台灣女星徐熙媛（大S）與老公汪小菲鬧婚變事件持續發酵，尋日（20日）係父親節，汪小菲晒出多張合照，當中就有佢同父親近照，並留言：「祝我爸父親節快樂，也祝我父親節快樂。」隻字未提大S。

不過有網友就發現，喺其他合照中，只得佢同仔仔汪希箖嘅二人合照，部分合照更明顯曾「加工」，Cut走其他人，連平日佢最疼愛嘅阿女小玥兒（汪希玥）都未見影，即被質疑佢箍煲失敗，同大S有可能情已逝，更有網友大膽揣測今次甫相似係暗示仔女撫養權「已成定局」，佢將會負責照顧阿仔。