【报章新闻】2021 11 23 东网

歌手胡鸿钧（Hubert）密锣紧鼓筹备处男演唱会，今日（23日）去到Band房进行綵排，讲到3日后便开骚，但最近还见他频频出动宣传无綫台庆剧《十月初五的月光》，自认打错如意算盘的Hubert笑说：「发觉原来系冇得闭关㗎！宣传同时每日又有好多关于演唱会嘅筹备工作要处理。（身体应付到？）还好嘅，心情好兴奋，今晚开始会早啲瞓休息多啲。」
好担心炎明熹

他透露明天（24日）最后衝刺大改造，会去Salon剪髮、做Facial以及试衫：「啲衫系咁改，Stylist话我条腰又瘦左。（肠胃好番啲未？）冇事啦！」相反，提到担任嘉宾的炎明熹日前身体不适，出骚时跌亲，Hubert直言好担心，即刻有短讯问候：「佢覆番话身体OK，觉得系佢呢段时间休息得唔系好够，最近又要考试，加上排山倒海嘅工作，心理影响生理一定有，希望佢顶得顺！」

提到他于社交平台上载了一条冲凉片，但零睇头「冇料到」，Hubert大笑话：「见到我伟大嘅背脊、优美又修长嘅脚板，到时演唱会会有正面睇吓，先吊大家瘾先。（见唔见得人？）可以嘅！对自己有信心！（有几多旧朱古力？）到时睇就知，自己讲唔好意思。」笑到届时会否玩湿身？他抵死笑说：「到时跳舞跳到好大汗都算湿身嘅！」

另外，《叱吒》「我最喜爱的男歌手」最新15强走势，Hubert被组合ERROR成员肥仔挤走，他坦言不介意，觉得投票是公平公正：「或者之后会in番。（积极拉票？）好随缘，冇话刻意去拉票，大家喜欢你就喜欢你，出席到叱吒已经好开心。（觉得肥仔有实力？）有睇佢MV、演出，虽然佢系有分量，但四肢非常灵敏，同佢身形不成正比，好有实力，香港乐坛需要多啲新力量！」

胡鸿钧 胡鴻鈞hubert
胡鸿钧官方国际歌迷会 胡鸿钧2021thedayafter演唱会