陳柏宇今晚返屋企做冬 攞正牌唔會老婆手下廚：因為我唔識煮。
陳柏宇今日（21/12）現身電視城出席無綫音樂節目《勁歌金曲》錄影。他表示剛完成紅館個唱心情輕鬆，可以盡情大吃大喝一番：「 我發覺原來食嘢都係對我一個獎勵嚟，例如可以食薯片薯條同漢堡包，可以放縱一下。不過近來天氣轉冷，我都未曾試過打吓邊爐，但就試過喺屋企韓燒一番。（今晚點樣過節做冬？）老婆今晚會煮飯，而之前就同老婆嘅屋企人都做咗冬。（會唔會幫手下廚？）唔會，因為我唔識煮嘢食，（老婆冇詐型？）唔會啦！佢又唔幫吓我手返工，相信每個人喺屋企都有佢嘅崗位嘅。而且相信識煮飯嘅人，係唔鍾意唔識煮飯嘅人插手嘅。」 陳柏宇JasonChan FROM HK01