《金宵2》緊接《飛虎3》播出 陳山聰李施嬅再續未了緣

由 葉鎮輝 監製、羅佩清 編審嘅《金宵大廈》，2019年播出期間叫好又叫座，穿越古今嘅淒美劇情被封為年度神劇。《金》劇播畢之後瞬即宣布籌備同製作續集，早前亦已經確定會喺4月4號晚21:30首播。

《金宵大廈2》主要演員除咗 陳山聰 李施嬅 張彥博 同黑貓 #靚寶 之外，仲有首輯曾經出現嘅重要人物 林子善 趙希洛 同 黃子雄 ，以及新加入嘅 伍詠薇 韋家雄 鄭子誠 于洋 曾展望 同埋 蘇皓兒 等參與。

喺《金宵》當中陳山聰飾演嘅 阿蕭 旭輝 以及李施嬅飾演嘅 #Alex Coco姐 因此宿世姻緣未能修成正果，分別投胎重臨金宵大廈再續前緣，又巧妙透過前世今生各式各樣「夢境」緊密連繫。

到《金宵2》重心繼續落喺男、女主角陳山聰與李施嬅嘅姻緣，佢哋將再度上演一場平行時空下戀愛，不過今次佢哋愛得懸疑，因為一杯咖啡展開一段離奇又曲折嘅緣份。而佢哋嘅平行時空將變成橫向穿越，同樣需要觀眾隨住角色同劇情發展將謎團逐一拆解。

陳山聰嘅角色會比第一季變幻莫測兼相當神秘，至於施嬅嘅角色亦同第一季有明顯出入，二人劇中更會分別一人分飾三角，仲會透過一個又一個口述故事展開個別單元故事。

劇中的每一個單元故事都極盡扣人心弦，當中陸續釋出嘅單元海報，就包括：于洋、鄭子誠、曾展望主演嘅《七樓半》；伍詠薇、蘇皓兒主演嘅《雙魚》；韋家雄、林子善主演嘅《城寨英雄 GO！》。新一輯單元題材繼續貼身兼貼地，除咗探討扭曲嘅母愛、嶄新而又危險的遊戲世界、仲會繼續探討香港住屋寸金尺土嘅嚴重問題，以及港人喺嚴峻情況下委曲求全、甚至巔覆三觀嘅故事。

金宵大廈2 陳山聰 李施嬅 張彥博 靚寶 七樓半 雙魚 城寨英雄GO

～ TVB娛樂新聞台

李施嬅 李施嬅selena 陳山聰 金宵大厦2定档陈山聪李施嬅金宵大厦selenalee 葉鎮輝