江美仪下流上车族上车家族 车莫雯慧
【自制字幕 有错见谅】

江美仪、林敏骢、鲍起静三位主演解构角色

播出时间：
翡翠台 10月17日 晚8:30
某堆堆 10月17日 晚8:30

無綫台慶劇《下流上車族》集合林敏驄、江美儀及鮑起靜呢個好戲鐵三角，將於10月17日首播，林敏驄處男拍劇，鮑姐亦一改「慈母」形象，變成投訴王兼老小三，驚喜十足，爆出有笑有淚嘅公屋爭奪戰，從而帶出一家人窩心又感人嘅親情，點樣包容同忍讓對方。

林敏驄首次拍劇飾演車志明，本來喺超市做經理，後嚟同老友創業，佢覺得最好玩係同江美儀及鮑起靜合作，兩位係好戲之人，阿驄覺得大家拍攝有火花，彼此激發演技，整體感覺好正，佢笑言：「初時以為拍劇好辛苦，又要捱更抵夜，因此咁多年都冇拍，呢套戲冇話拍凌晨3點幾，第二朝又唔會開朝早9點。」

江美儀喺劇中飾演憶樓成狂嘅師奶車莫雯慧，一心好想買私樓，覺得有屋先安居樂業，成日好心急搵錢儲首期供樓，後來更意圖騙去閔老太公屋單位，江美儀呢次化身霸道師奶：「老公好錫佢，兩個女又遷就佢，有時自己過份咗都唔知。」

鮑起靜破格演麻煩投訴王嘅閔老太，亦係阿驄演車志明嘅「哎吔阿媽」，當年車爸為咗佢拋妻棄子，遭志明稱呼為「老小三」，鮑姐覺得呢個性格古怪獨居老人好得意，睇劇本已覺得呢位角色乞人憎，但係鮑姐認為內心寂寞先想引人注意，做啲譁眾取寵嘅事，希望獲得別人關心，鮑姐稱角色結過兩次婚，因「老小三」問題，同繼仔車志明產生誤會，鮑姐表示阿驄不時爆肚考演技：「阿驄做慣talk show，好多即興嘅嘢，好多冇跟劇本講嘅gag，初時唔知點樣應對，唔係劇本嚟，慢慢就慣咗。」阿驄成日無厘頭爆肚，又愛搞搞震，相信同劇演員經常要忍笑。
江美儀後援會的微博视频

发布时间： 2022-10-13 23:55:46