💜【美儀香港01報導】💜Enews

下流上車族｜林敏驄拍喊戲要求一次過 江美儀驚喜：佢要求好高

林敏驄和江美儀今日(14/10)現身將軍澳出席無綫新劇《下流上車族》宣傳造勢活動。提到早前無綫釋出宣傳預告片中，林敏驄收起平時無厘頭本色，將車志明角色演活，並在鏡頭前爆喊，語重心長地道出港人上車悲歌：「間屋企幾細唔係問題，最緊要一家人喺埋一齊！」阿驄爆喊晒演技，要由劇中老婆江美儀攬攬安慰。

身邊美儀大讚阿聰為人其實做事很認真：「佢係要求好高嘅人嚟，有句說話佢成日都會講：『一做就要認真去做、如果求其就唔好去做』，變咗我同佢都幾夾，因為我都係一個好緊張又認真嘅人嚟，大家喺合作上係好流暢。」

林敏聰續說：「我好記得最收尾有場寫我同美儀和好如初，喺拍之前一日導演同我講劇本咁寫唔得，呢鋪死喇，我就話等我拍完之後大家再慢慢諗。然之後我同美儀同導演坐低諗，我哋一路講，佢一路寫。而我一路講，我就一直都喺度喊。到嗰日埋位拍，我仲同大家開賭，估我可唔可以一Take過，點知嗰日真係一Take過完成。」

《下流上車族》下星期一晚8:30播映，到時見📺
江美儀 江美儀 江美仪江美人
江美儀美人幫 江美儀美人幫