無綫新劇《隱門》正在熱播，湯洛雯（靚湯）在劇中飾演執法人員，但佢嘅演技就遭到網民狠批，直指佢不論話聲線同肢體動作，都演得唔似，令觀眾睇到出晒戲。而靚湯「戲屎」更傳到內地，有網民更表示《鐵馬》家族自馬國明與靚湯拍拖後就冇齊人過，質疑靚湯介意馬國明與唐詩詠同框。而對於網民嘅評論，靚湯接東網訪問時就表示：「關於網民嘅新聞，就唔回應啦。」其實靚湯日前已喺社交網表示收到大家嘅評語，又指自己雖然未做到最好，但會繼續努力呀！