【新聞】 Ron吳卓羲 早前接連參與內地綜藝節目《披荊斬棘2》及《大灣仔的夜2》，令其人氣更加爆紅。日前出席廣州開幕活動時，現場人頭湧湧，吳卓羲進場時更引發起小騷動，粉絲爭相上前拍照，他更一度被粉絲捉住前臂，保安人員見狀心急推開眾人。吳卓羲為免支持自己的粉絲受傷，肉緊阻止保安的粗暴行為，相當窩心。

吳卓羲接受《晴報》訪問時憶述當時情形，他說：「當時有個保安差唔多推跌咗個粉絲，跟住我叫個保安唔好推，唔好咁用力推啲女仔，佢哋都係想同我影張相，我就拉起個女仔，之後同佢影咗張相，人哋都係支持我。」對於不顧自身安全去救粉絲，吳卓羲表示：「又無特別去諗自己安全，前面幾個女仔一路向後行影我，又畀保安推到佢哋啲鞋甩晒，惟有叫保安唔好咁大力推佢哋。」

吳卓羲跟任賢齊當日有份參加《披荊斬棘2》，之後在電影《邊緣行者》中合作，二人可謂關係不淺。日前小齊在深圳舉行巡迴演唱會，吳卓羲孖林曉峰去捧場之餘，還到後台跟小齊影合照留念。近日網上流傳出最新一輯《披荊斬棘3》的藝人名單，但當中不見吳卓羲同小齊，而香港藝人則包括鄭嘉穎和關智斌；台灣方面有林志穎、藍正龍及唐禹哲，內地有胡兵及胡彥斌等。

不過暫時不知這份名單的真偽，吳卓羲被問到會否再接再厲參與《披荊3》時，他對此表示：「我唔係參加，我唔去！」，答案正如他今年二月出席《廉政狙擊》首映禮時所講，表明不會加入第三輯拍攝，並透露監製曾叫他介紹其他「哥哥」人選，而他就想推薦好兄弟黃宗澤，對方亦聲稱有興趣。可是今次流出的名單，並無見到有黃宗澤。吴卓羲