42歲「名門獄女」Paris Hilton又自爆曾與因性罪行入獄的荷里活電影大亨Harvey Weinstein有過不愉快經歷，事發於2000年《康城電影節》，年僅19歲的她出席由Weinstein主持的年度愛滋病研究基金慈善晚宴，活動前一日，她與女友人食Lunch時遇見Weinstein：「佢走埋嚟我張枱，問我想唔想成為女演員？我話我想拍戲，我當時係少年，好欽佩佢。佢提議會面，叫我去佢酒店房睇劇本，不過我唔想，所以冇去。」
翌晚宴會上，Weinstein對她有所舉動：「我入廁所之後，佢跟住我，嘗試開我廁格門，佢亂打亂拍道門，我冇開門，直至有保安人員入嚟帶走佢，佢大嗌：『呢個係我嘅派對！』佢完全發晒癲，令我好驚！」訪問公開後，有傳媒託Weinstein律師問獄中的他回應，他否認：「從來冇發生過，我從來冇鬧佢亦冇跟蹤過佢，我一直尊重同友善對待Paris Hilton。」