玉郎一周
十幾年冇去過成都喇，今次公幹同埋太太去，順便又可以同啲朋友見下面，享受吓當地嘅美味， 去到成都唔使問當然必食當地的火煱，食到咀舐舐，肚脹脹，之後有時間就去著名的「寛窄巷子」散吓步，這兩條巷是以前有錢人和冇錢人都住在一起的地區，現在這類舊房屋已翻新改造成商店，成為成都一個出名的景點，我都有去打卡，雖然是星期一，都遊人如鰂，如果是星期六、日假期，咁就唔得了啦，這類夜市其實好值得香港參考的，如果香港想搞好夜繽紛的話。
我記憶中在成都必定食辣，麻辣火煱咁出名，一定係好夠辣，點不知我點個中辣，只係麻麻哋辣，要加辣椒才夠辣，實在是意料之外。
十幾年前，成都尚未積極發展IT軟件，第二日朋友帶去新開發的「軟件園」，我想像中這類乜園物園，大不了只有維多利亞公園咁大啫，誰不知這裡直情係十幾個維多利亞公園咁大，簡直有半個港島咁大，好多新建築物，而且設計得好好，香港的科技園、數碼港，相比之下，是蚊髀比同牛髀。
所以成都嘅軟件發展和遊戲發展，是中國的前三名，因為成都培養和匯聚了好多人材，所以獲得咁好成績，香港若然要朝着這方面發展，在優材計劃方面，培養人材方面，便要大大加强力度，並不是投放三幾十億就搞得掂的事，長遠計是以千億計的計劃，才會得出好效果呢。
今次公幹來去匆匆，2晚3日，未有機會遊覽附近出名的峨嵋山、青城山這類名勝古蹟，就是武侯寺、三星堆也沒有機會去睇吓，唯有留待下次吧！
在此好多謝當地嘅老友記，非常熱情招待，走到天涯海角，還是朋友最重要！！

漫画玉郎漫漫king天子传奇神兵玄奇英雄十八黄玉郎