新剧拍摄｜《巾帼枭雄之悬崖》获高层探班

《巾帼枭雄之悬崖》剧组喺横店马不停蹄进行拍摄，演员阵容有黎耀祥（祥哥）、胡定欣、萧正楠、罗天宇、陈晓华、李成昌、韩马利、杜燕歌、谢雪心、庄思明等。《巾帼》，助理总经理（戏剧制作）曾励珍及制作部总监（戏剧制作）徐正康日前专诚前往横店探班，为台前幕后打气，珍姐自掏腰包请食饭，气氛愉快，视帝祥哥期间亦有万岁请大家“喝饮料”。

讲到珍姐及徐生探班，祥哥受访时表示：“今次冇乜时间带佢哋去玩，系最后一晚珍姐请大家食饭，佢睇咗片之后都好满意，觉得成个制作都好唔同，既有TVB嘅特色，又有内地制作上嘅配合，好有大片嘅感觉。”祥哥透露是次拍摄行程十分紧密，差唔多日日要开工：“冇乜时间叉电，有段时间系A、B组咁拍摄，拍完A组就过B组，有时早咗少少收工就出去食饭。”提到与胡定欣第八度合作， 祥哥称喺TVB合作最多嘅女演员就系定欣，所以今次合作好有默契，大家一齐食饭，工作上又会交流吓。

祥哥又指今次同好多内地工作人员合作，畀到佢好新嘅冲击：“呢度地方比较大，个景丰富啲，戏剧嘅效果都会加强咗，同埋监制（方骏钊）对我哋好好，佢专登安排啲饭盒系少啲油、盐、糖，通常系三菜一肉比较清淡啲，大家食得好习惯。”祥哥虽然喺横店工作好忙碌，但佢一有空就会出动食嘢慰劳自己，祥哥日前喺社交网介绍横店港式茶餐厅，更成枱都系香港地道美食，有咖哩鱼蛋、鱼蓉烧卖、菠萝包及叉烧等，祥哥全程大大啖食不停，相当满足！

定欣受访时坦言日日要开工：“呢套剧通告好多好密，真系好少机会出去食饭，珍姐同徐生嚟咗大家可以早啲收工，大家一齐食个饭放松吓，如果唔系真系冇乜机会。”定欣又指开工头一个月特别忙：“我嘅银行主景要连开十几 日，之后亦有唔同嘅景连开几日，第一个月真系好辛苦，冇乜点休息过，内地 有说法叫顶天立地，即系头场去到尾场都系你！”一向热爱做运 动嘅定欣，今次带备运动装都得物无所用：“自己带嚟嘅运动衫都冇郁过， 反而一有时间尽量瞓番多啲叉电。”

定欣透露今次角色对体力、精神消耗比较大，拍摄期间消瘦不少：“今次唔使做运动都消瘦咗，啲衫裤都松咗，系真系开住工瘦！我本身少食淀粉质，但拍呢套剧消耗比较大，所以一定要食饭，但系消耗实在太大，食完饭之后，拍完一两场就已开始肚饿！”至于今次再与视帝祥哥合作，定欣坦言：“同祥哥合作咗好多次，对上一次系《公公出宫》，隔咗一段时间，每次同佢合作都系一个学习机会，好似再上堂咁。今次嘅角色同以往好唔同，要应付好多大场面同 长对白，祥哥系一个好好嘅 Model，畀我去好好学习。”