2023.11.30 珠海长隆海洋王国，我想尝试下用自己平时周围荡嘅节奏去体验，我脱离大部队，一个人自由行，冇错，就系一个人，于是我打锣甘早起身，打锣甘早去食早餐，打锣甘去到海洋王国，都系无法逃离中小学秋游大军，算啦算啦，而家啲中小学果然豪，我当年毕业旅行先有机会去长隆

鲸鲨馆：一个我好想重温一次嘅地方，特别系果个巨幕水族缸，记得当年第一次，简直大受震撼，今日再睇，觉得其实都唔系好大啫，仲有一个拍晒长龙嘅打卡位，其实我都想影埋一份，如果唔洗排队的话，仲有果个360度水族缸，我仲问Sandy，如果个360度水族缸爆左，点办呢，我都知道我好无聊，仲有帮Sandy影左张同水族缸人景合一合照，虽然当时影完，好惊比人打，而家睇返，得得地喔😲

白鲸馆：上次系冇参观过的，白鲸都可爱啊

北极熊馆：又系上次冇参观过，就起门口影到一只有啲呆萌嘅北极熊，但我翻相，明明系白色，点解全部都系棕色。

企鹅馆：虽然上次有参观过，但比较匆忙，其实今次都系我第二次见到真·企鹅，冇咩变化，仍然有一股咸鱼味。

海象岛：又系上次冇参观过，就起门口影左张相，到此一游，同睇人地完过山车。

5D城堡影院：其实冇打算去，不过途中撞到Helen地，就一起去睇，我记得结尾有小白虎坐起鹦鹉上面飞出黎，而家冇左。

鹦鹉过山车：上次我就系花左大量时间排队玩依个，结尾系，体验一次跳楼感觉，疑似叫穿左Jackey个耳膜，同发誓以后都唔玩过山车，痴线加，我今次紧系唔玩啦。

话说期间想稳个地方hea下，入左餐厅，睇左下个餐牌，88大元一个海南鸡饭，我都出去行多一阵。