《声梦传奇》15位歌手12.21九展再度聚首 演唱会海报呈现各人想法

《声梦传奇》自2021年开始第一季比赛，发掘包括炎明熹、钟柔美、姚焯菲、詹天文、冼靖峰、文凯婷、何晋乐、张驰豪、孙汉霖、潘静文、林智乐、林君莲、林沚羿、黄奕斌、蔡恺颖共15位可独当一面嘅歌手，而呢两年多以来粉丝一直希望佢哋能合体再举行演唱会，粉丝愿望终于可以喺12月21号晚上实现，届时佢哋将喺九展Star Hall举行“星梦飞行 What We Become Live 2023”，标志“声梦传奇 1”由2021年4月10号首播至今已接近1000日，15 位歌手再度聚首，一齐透过音乐探索自己及未来，勇敢面对未知世界。

今次演唱会海报设计非常破格及有趣，大会先问歌手选择咩形状嚟代表自己，当中有啲拣四方形、圆形、星形，甚至超乎想像形状、插画师，根据佢哋提供答案画出图像，然后拼喺一齐成为海报主画面，亦可独立去欣赏每一个画像，从而了解各人对自己想法。因佢哋15人各有各忙，所以佢哋非常珍惜呢次演唱会能够令大家聚首一堂，而音乐总监、排舞师及服装设计师将施展浑身解数，务求带畀入场观众一个充满声、色、艺嘅精彩晚上！