陈凯琳郑嘉颖陈凯琳
陳凱琳豪宅開聖誕Party 孻仔Carlos勁精靈搶鏡勁似女仔
陳凱琳（Grace）一向鍾意熱鬧，今年聖誕節特別約晒成班好朋友在他們的豪宅入面一齊開Party，非常熱鬧又墟冚。Grace為了迎接孻仔Carlos的第一個聖誕節，特別細心安排裝飾佈置家居，全家人換上聖誕裝合照，更特別抱實Carlos又攬又錫，作為媽媽的都忍不住：「唔好意思都要講，會唔會太靚仔先？」

孻仔Carlos下月將會滿1歲，眼仔碌碌非常精靈可愛，而且頭髮和眼睫毛都微攣，勁似女仔，Grace都忍不住狂曬他的大特寫靚相。雖然今年未有分享一家五口的全家福，不過現場布置所見，他們一家五口各有專屬的聖誕襪，有K代表鄭嘉穎Kevin、G代表陳凱琳Grace、R代表大仔Rafael、Y代表二仔Yannick及C代表細仔Carlos，非常細心。而鄭嘉穎都有在大合照出現，除了Grace父母及鄭嘉穎的媽媽在場外，黃智賢、龔嘉欣、譚凱琪一家、黎海珊等都有現身，大家玩遊戲時得非常開心投入。Grace的媽媽更親自下廚，為大家準備原隻烤雞。
郑嘉颖