日本 早上就係被太陽藍天所吸引醒，係廣東凍左十幾日，無一晚訓得到真係太凍三張被都唔得，一直醒住訓，來到日本嘆住暖氣同輕飄飄的羽絨就一晚訓到中午，三支長島冰茶的功效。出去都會帶住哈魯君，去到邊d人經過都會大叫kawaii嘎呢！d阿姨仲會主動搓圓gum扁哈魯君的臉，好肉緊。哈魯君大隻過d小朋友，小朋友見到佢經過都會一直講kawaii～唔似某個地方，一直尖叫驚恐再惡言相向。
Kayley醬話哈魯君只要聽到人地讚佢kawaii，佢就會表現出更得意忘形的模樣，對方越讚得激熱烈，哈魯君越展示出更可愛的模樣。
哈魯君投胎個時跳啱個井，佢可以肆意係海邊，田野間，鄉村間，森林間奔跑，欣賞綺麗風光，啃住佢最愛的樹枝。本田君話哈魯君最愛田園鄉村風光。
哈魯從「醬」變成「君」了。
本田桑今次一直叫哈魯君。
我話哈魯一下子長大了，唔再係「醬」
本田桑話其實佢好想依然叫哈魯醬，不過怕其他人以為佢係女仔「因為醬代表小朋友，或者年輕的女子」。
所以唯有叫哈魯君。
我問kayley醬，咁比如我地海邊見到有人遛兔仔，d兔仔，貓，烏龜金魚之類，加唔加「君」？佢話都加嘎，d日本人養d動物都叫乜乜君，乜乜君。
將動物擬人化實在很可愛呢。
而且佢哋對住動物都會講敬語。

呢幾日我豎起隻耳仔聽本田桑每次叫我乜嘢。
可能我幻聽，又可能kayley醬吩咐佢一定要記住叫我做lucky醬。唔準叫lucky sang！！
所以佢好似係叫lucky醬的。
有晚我地等位吃飯，對面的餐廳係賣漢堡扒的。我打趣叫本田君買塊漢堡扒比哈魯君，等佢都可以歡度新年，一起慶祝元旦。
過了一陣，佢好認真同kayley醬講買塊漢堡扒比哈魯君的事，佢好認真咁唸take away d食物挪番車同哈魯君一起吃。
然後我同佢講我只係kidding，哈魯君唔吃得咁有味道的嘢。
但係本田君被提醒之後就好想同哈魯君一起分享。