《報章分享》 20240106 繽Fun 星網：陳展鵬與粉絲開生日P　想同單文柔繼續造人

藝人陳展鵬今晚（6日）出席粉絲為他舉辦的生日派對，他自言疫情前粉絲們每年都會為他在舊曆生日正日舉辦慶祝派對，又指最近女兒小豬比放假玩得太過精彩，所以不便過來：「佢最近太夜瞓，個黑眼圈都出晒黎，所以盡量想畀個環境佢早啲瞓。」而太太單文柔（Phoebe）為了照顧小豬比，所以亦要留在家中。

陳展鵬稱正日生日當天剛好是在澳門舉行《萬千星輝頒獎典禮2023》的盛典，笑言當天可以與劇中老婆一起過生日，又謂今年的生日願望是希望家人可以身體健康，世界和平，各地減少戰爭：「希望唔好成日打仗，電視睇到嘅都係開心歡樂嘅嘢。（攞獎？）今年多咗個大灣區獎。（想攞大灣區視帝？）咁又冇諗過，話明大灣區，希望無論邊個攞到呢個獎，發展範圍都可以大啲。」問到Phoebe會跟隨到澳門出席頒獎典禮？陳展鵬：「先賣個關子。」

講到夫妻二人會否想再生多個？陳展鵬表示會想，言自從有第一個小孩之後，知道孩子的可愛之處，就會想繼續再接再厲：「不過我又冇聽Phoebe講話想再生，而且佢最近操Fit緊，等世界和平，唔好再打仗先再生。」

陈展鹏煎pang 陈展鹏農曆生日快樂展开说说吧